ҚФФ-ның БАС ХАТШЫСЫ АЗАМАТ АЙТҚОЖИН ЖАМБЫЛ ЖЕРІНДЕ

ҚФФ-ның БАС ХАТШЫСЫ АЗАМАТ АЙТҚОЖИН ЖАМБЫЛ ЖЕРІНДЕ

     Жамбыл облысы футболының бүгінгі жәй-күйімен танысуға Қазақстан футбол федерациясының бас хатшысы Азамат Айтқожин келді. Күні кеше, «Тараз» және «Шахтер» командалары арасындағы ойынға қатысқан мәртебелі мейман бүгін Тараз қаласында орналасқан бірқатар футбол стадиондарын аралап көрді. 

                                                                                                                       

        Алдымен «Жастар» стадионында болған қонаққа «Тараз» футбол клубының директоры Махамбет Дүйсембаев футбол алаңының жағдайымен таныстырып, ондағы ойыншылар тұрақтайтын негізгі база жұмысын көрсетті. Одан кейін Азамат Айтқожин осында өтіп жатқан ойындарды тамашалап, өскелең ұрпақ жастармен жүздесті. Оларға қазірден бастап мықты футболшы болуға талпыну керектігін айтты. Өйткені Жамбыл жері талай атақты футболшылардың шыққан жерді деді бас хатшы.

 

       ҚФФ-ның бас хатшысы одан кейін «Монтажник» футбол стадионына барды. Онда жасыл алаңның қазіргі жағдайын көріп, стадионның материалдық-техникалық базасымен танысты. Аталған ойын алаңдары туралы өз ойын айтқан Азамат Айтқожин «Тараз» футбол клубының жұмысына оң бағасын берді. Астанадан келген қонақтар арасында ҚФФ-ның вице –президенті, атақты жерлесіміз Сейілда Байшақовтың болғандығын да айта кету керек.

ҚҰРМЕТТІ ФУТБОЛ ЖАНКҮЙЕРЛЕРІ

ҚҰРМЕТТІ ФУТБОЛ  ЖАНКҮЙЕРЛЕРІ

7 - мамыр күні. Сағат 17:00 де Тараз қаласындағы "Ұлан" стадионында екінші лига (дубль) аясындағы ойындар өтеді. Өз алаңында "Тараз - U21"  командасы "Атырау - U21"  командасын қабылдайды. Ендеше, жасыл алаңға келіп жерлестеріңізді қолдаңыздар!

Нұрмат МЫРЗАБАЕВ «ТАРАЗ» ФК БАС БАПКЕРІ

 Нұрмат МЫРЗАБАЕВ «ТАРАЗ» ФК БАС БАПКЕРІ

Өзің ұрмасаң, саған ұрады деген қағиданың рас екендігін тағы көрдіңіздер. Бізге бүгін командалық ойын жетіспеді. Басқа не айтуға болады. Ойынның дұрыс жүрмей жатқандығын біліп отырмыз. Біздің негізгі ойыншыларымыздың жас әрі жергілікті футболшылар екендігін ескеру керек. Бұл премьер-лиганың өзге командаларында жоқ жағдай деді Нұрмат Мырзабаев. Журналистер тарапынан қойылған Бауыржан Байтана негізгі құрамда неге алаңға шықпады, Игорь Зенькович бүгін неге жарытып ойнай алмады деген сауалдарға бас бапкер былай жауап берді. Бауыржан Байтананы екінші таймда шығардық. Өйткені бір ойында матчтың соңына дейін ойнау ауырлық етеді. Ал, Игорь Зенькович жарақатынан толық қанды айыққан жоқ. Баспасөз мәслихаты соңында Нұрмат Мырзабаевқа журналистердің бірі осы жеңілістен кейін сіз отставкаға кетесіз бе деген сауалын қойды. Бұл сұраққа мүдірместен жауап берген бас бапкер менің орныма келген кез келген адам осы құрамдағы командамен ойын жүйесін басқа арнаға бұруы екіталай деді.

Иозеф ВУКУШИЧ «ШАХТЕР» ФК БАС БАПКЕРІ

 Иозеф ВУКУШИЧ «ШАХТЕР» ФК БАС БАПКЕРІ

 

Қос команданың ойынынан кейін журналистермен жүздесуге келген «Шахтер» командасының бас бапкері Иозеф Вукушич бүгінгі матчқа өз бағасын берді. Сербиялық маман әңгіменің әлқиссасын өз ойыншыларыма ризамын деп бастады. Ең бастысы жеңіс керек еді, біз бүгін сол жеңісті жұлып әкеттік. Ойынның соңына қарай бір гол жіберіп алғанымыз болмаса, командамыз бір жүйеде ойнады. Шабуыл шебінде де, қорғаныста да шәкірттерім мен айтқан тактикадан ауытқыған жоқ. Нәтижесін өздеріңіз көрдіңіздер. Енді келесі тур ойындарына дайындықты жалғастырып, алға қойған мақсатқа жету жолында тер төгеміз.

«ТАРАЗ» - «ШАХТЕР» 1:2

 «ТАРАЗ» - «ШАХТЕР» 1:2

Футболдан Қазақстан премьер-лигасының тоғызыншы тур ойындары өтті. Бұл сында Жамбыл жеріне жергілікті «Тараз» командасымен кездесуге Қарағандылық «Шахтер» командасы келген болатын. Ойын нәтижесінде жерлестеріміз қонақтарға 1:2 есебімен есе жіберіп алды. Матчтың бірінші таймында допты иелік ету жөнінен Тараздықтар алда болғанымен олардың қақпаға бағыттаған бірлі-екілі соққылары голға айнала қоймады. Шахтерліктер де алғашқы таймда жарытып ойнаған жоқ. Екінші тайм қызықты сәттермен басталды. Алдымен Шахтер, одан кейін Тараз командасы бір-бірінің қақпасына шабуылдарды үдете түсті. Осындай доп додасының бірінде Шахтер ойыншысы Сергей Скорых Тараз командасының қақпасын дәл көздеп, алғашқы голды ұрды. Бұл ойынның 71-ші минуты еді. Араға небары 5-минут салып Шахтер командасының ардагер ойыншысы Андрей Финонченко есепті 2:0 ге жеткізді. Таразда ауа-райының жауын-шашынды болып тұруы да футболшылардың, әсіресе қақпашының допты дұрыс ұстауы мен бағдарлауына кері әсер етті. Әйтпесе, осы екінші голды Александр Григоренко ұстауын ұстады. Бірақ доп су болғандықтан оның қолынан шығып кетті. Өз қақпасына екі голды жіберіп алған Тараздықтар одан ары орын алған олқылықтың орнын толтыруға кірісті. Алаңға екі бірдей жартылайқорғаушы Бауыржан Байтана мен Абзал Таубайдың шығуы Жамбылдық команданың ойынына тың серпін бергендей болды. Бірақ бұл кезде ойынның аяқталуына небары 10-ақ минут қалған еді. Негізгі уақытқа төреші бес минут қосты. Осы қосымша уақытта Тараздықтар тек есеп айырмасын қысқартуға мүмкіндік алды. 93-минутта Бауыржан Байтана Шахтер қақпасына өзінің әдемі голын соқты. Осылай, Тараздықтарға есепті теңестіруге уақыттың жетпей қалғандығы болмаса, ойынның соңына қарай команда футболышары күшейген еді. Жерлестеріміз енді келесі ойынды сырт алаңда «Ертіс» футбол командасына қарсы өткізеді.

Құрметті Жамбылдық футбол жанкүйерлері. (ТАРАЗ-ШАХТЁР)

Құрметті Жамбылдық футбол жанкүйерлері

Құрметті Жамбылдық футбол жанкүйерлері. Бүгін кешкі сағат 18:00 де Тараз қаласындағы орталық стадионда премьер - лига ойындары аясында "Тараз" және "Шахтёр" командалары кездеседі. Ендеше, дүбірлі доп додасына келіп жерлестеріңізге қолдау көрсетіңіздер...

"ШАХТЕР» ФУТБОЛ КЛУБЫ ЖӨНІНДЕ...

"ШАХТЕР» ФУТБОЛ КЛУБЫ ЖӨНІНДЕ...

Қарағанды облысы атынан Қазақстан премьер-лигасында сынға түсетін «Шахтер» футбол клубы 1958 жылы құрылды. Содан бері КСРО-чемпионаттарында нәтижелі ойын өрнегімен есте қалды. Әсіресе кеншілер командасы аталатын «Шахтердің» жұлдызды сәттері өткен ғасырдың сексенінші жылдары жанған болатын. Ал, еліміз тәуелсіздік алғалы өткізіліп келе жатқан Қазақстан біріншілігінде «Шахтер» командасы ұзақ жылдар чемпиондық атаққа қол жеткізе алмады. Тек, 2011 жылы бұл команда үздік шығып ел чемпиондары атанды. Қазіргі таңда Қарағандылықтар екі дүркін Қазақстан чемпиондары. Сондай-ақ бұл ұжым Еврокубоктың топтық кезеңіне жолдама алған Қазақстандық алғашқы команда екендігін айта кету керек. «Шахтер» командасы 2013 жылғы Қазақстан кубогының иегері. Дегенмен өткен 2015 жылғы футбол маусымында «Шахтер» командасы тәуір ойын көрсете алмады. Олар турнирлік кестеде 10-орынмен аяқтады. Биылғы футбол маусымына команданы бас бапкер Иозеф Вукашич жаттықтырады. Ол сербиядан келген маман. Премьер-лига аясындағы өткен сегіз тур қорытындысы бойынша Қарағандылық команда әзірге көш соңында келеді. Бұрын ойнаған ойыншылар қатарында команда ардагері Андрей Финонченко қалды демесеңіз, қалғандарының көбісі жергілікті жас футболшылар болып отыр...

«ТАРАЗ» ЖӘНЕ «ШАХТЕР» ФУТБОЛ КОМАНДАЛАРЫ ОЙЫНДАРЫНЫҢ СТАТИСТИКАСЫН ҰСЫНАМЫЗ...

«ТАРАЗ» ЖӘНЕ «ШАХТЕР» ФУТБОЛ КОМАНДАЛАРЫ ОЙЫНДАРЫНЫҢ СТАТИСТИКАСЫН ҰСЫНАМЫЗ...

Қазақстан премьер-лигасының тоғызыншы туры аясында Тараз қаласындағы орталық стадионда кездесетін қос команда осыған дейін де бірнеше мәрте кездесіп, талай қызықты матчтардың куәсі болғанбыз. Енді алдағы бейсенбі кешінде өтетін ойында бұл командалар сол жүрген жүрісінен жаңылмас деп ойлаймыз.Алғаш рет Қарағанды мен Жамбылдың командасы 1961 жылы қазіргі Тараз қаласында кездесіп, сол кезде қонақтар 2:0 есебімен ұтып кеткен екен. Ал, Қазақстан чемпионатында «Тараз» және «Шахтер» командалары 44-рет кездесіп, оның 22-сінде Қарағандылықтар, 12-ойында Жамбылдықтар жеңіске жеткен. 10-ойын тең нәтижемен аяқталыпты. Гол айырмашылығы 67-40 «Шахтердің» пайдасына. Өткен 2015 жылғы футбол маусымында қос команда 4-ойын өткізіп, оның екеуінде Тараз жеңсе, бір ойын тең, бір ойын «Шахтердің» жеңісімен аяқталған.

ФУТБОЛДАН ҚАЗАҚСТАН ПРЕМЬЕР - ЛИГАСЫНЫҢ СЕГІЗІНШІ ТУР ОЙЫНДАРЫНЫҢ ҚОРЫТЫНДЫСЫ

ФУТБОЛДАН ҚАЗАҚСТАН ПРЕМЬЕР - ЛИГАСЫНЫҢ СЕГІЗІНШІ ТУР ОЙЫНДАРЫНЫҢ ҚОРЫТЫНДЫСЫ

"АСТАНА" - "КАЙРАТ" 1:0
"ТОБЫЛ" - "ТАРАЗ" 1:0
"ШАХТЕР" - "АТЫРАУ" 0:0
"ОРДАБАСЫ" - "АҚЖАЙЫҚ" 1:0
"ЖЕТІСУ" - "ЕРТІС" 0:3
"АҚТӨБЕ" - "ОҚЖЕТПЕС" 1:0

"ТОБЫЛ" ФК БАС БАПКЕРІНІҢ МІНДЕТІН АТҚАРУШЫ ОЛЕГ ЛОТОВ

 "ТОБЫЛ" ФК БАС БАПКЕРІНІҢ МІНДЕТІН АТҚАРУШЫ ОЛЕГ ЛОТОВ



Кейбір ойындарда гол соғу шын мəнісінде қиынға соғады. Доп қақпаға барып тұрып кірмей қоюы мүмкін. Біз оған дайын болуымыз керек. Ойыншыларымыз өздерінің бар күштерін салды. Өздерін көрсетті. Бұл жақсы қасиет. Келесі ойында үлкен күш береді. Осы жүрістен жаңылмауымыз керек. Командалық ойынға ризамын.

"ТАРАЗ"ФК БАС БАПКЕРІ НҰРМАТ МЫРЗАБАЕВ СҰХБАТ БЕРДІ

 "ТАРАЗ"ФК БАС БАПКЕРІ НҰРМАТ МЫРЗАБАЕВ СҰХБАТ БЕРДІ



Барлық уақытта қорғаныста ойнау команда үшін қиынға соғады. Көрдіңіздер, қандай қиын сəттер болды. Алаң иелерінің үлкен қысым көрсетуіне, жан-жақтан қыспаққа алуына қарамастан тəуір ойнап шықтық. Əсіресе Қостанайлықтардың бірнеше шабуылын біздің қақпашы қайтара білді. Бірақ ойынның соңына дейін шыдай алмауымыз өкінішті əрине. Өз ойыншыларыма кінəні артқым келеді. Ол енді біздің ішкі проблемамыз. Матчта допқа иелік ету жағы төмен болды. Қадағалау жағына көңілім толмады.

"ТАРАЗ" СЫРТ АЛАҢДА ТӨМЕНГІ ЕСЕППЕН "ТОБЫЛҒА" ЖОЛ БЕРДІ

 "ТАРАЗ" СЫРТ АЛАҢДА ТӨМЕНГІ ЕСЕППЕН "ТОБЫЛҒА" ЖОЛ БЕРДІ



Қазақстан чемпионатының сегізінші тур ойындары мəресіне жетті. Еліміздің алты аймағында өткен алты түрлі ойында қызықты сəттермен есте қалатын матчтар тіркелді. Соның бірі Жамбылдық жерлестеріміз "Тараз" командасы сырт алаңда Қостанайлық "Тобыл" кұрамасымен өткен ойында қарсыластарға 1:0 есебімен жол берді. Ойынның бірінші таймы  нәтижелі шабуылдаумен есте қалғанымен ешқандай есеп ашыла қоймады. Екінші таймда да алаң иелерінің тамаша гол ұратын сəттерін біздің қорғаушылар қайтара білген. Есесіне Тараздық ойыншылар да тез қалпына келіп бірнеше мəрте алаң қожайындарының қақпасын сынап көрді. Бірақ біздің командаға бұл жолы да сəл сəттілік жетіспеді. Өйткені, соңғы уақытқа дейін сыр бермей ойнап тек 90 минутта бір гол жіберіп алу сол еңбектің еш кеткеніндей болды. Тобыл сапында гол соққан Алассане Ндиане болатын. Жамбылдық жерлестеріміз үшін еліміздің белді командасымен тең дəрежеде ойнау оңай болған жоқ. Оның үстіне алаң иелерінің жанкүйерлер қолдауы тағы бар. Тараздықтар келесі ойынды өз алаңында  Қарағандылық "Шахтер" командасына қарсы өткізеді.

"ТАРАЗ" - "ТОБЫЛ" ФК ОЙЫНДАРЫНЫҢ СТАТИСТИКАСЫ ҚАНДАЙ?

 "ТАРАЗ" - "ТОБЫЛ" ФК ОЙЫНДАРЫНЫҢ СТАТИСТИКАСЫ ҚАНДАЙ?



"Тараз" жəне "Тобыл" футбол командалары Қазақстан премьер - лигасы ойындары аясында 46 кездесу өткізіп, оның 28 інде Тобыл, 11 ойында Тараздықтар жеңіске жеткен. 7 матч тең нəтижемен аяқталған. Гол айырмашылығы 67 - 34 "Тобылдың" пайдасына. Өткен 2015 жылдың өзінде бұл екі команда 4 рет кездесіп, оның екеуінде Тараздықтар жеңген. Бір ойында Тобыл жеңіп, төртінші матч тең түскен болатын. Қазіргі уақытта "Тобыл" командасы сапында сол кезде ойнаған атақты футболшылардың көбісі жоқ. Команда жас əрі жаңа легионерлерге көп сенім артып отыр.

"РУЗАЕВКА" - "ТАРАЗ - U21" 4:1 (Дубль)

"РУЗАЕВКА" - "ТАРАЗ - U21" 4:1 (Дубль)



 Солтүстік Қазақстан облысы атынан сынға түсетін екінші лигадағы "Рузаевка" футбол командасы Жамбылдық  қосалқы құрам "Тараз - U21" командасымен кездесіп 4:1 есебімен жеңіске жетті. Кездесуді біздің команда сырт алаңда өткізді. Енді ойын жағдайына келсек. Алғаш болып алаң иелері есеп ашты. Бірінші таймның басында көзге түскен Жалмұхамбетов болатын. 27 - минутта Тараздық Ахметов есепті теңестіріп кетті. Алайда осы ойында ерекше көзге түскен Айдар Сейтжанов дубль жасап есепті үште бірге жеткізген. Ал 90 - минутта жартылайқорғаушы Смирнов бір гол соғып есепті 4:1 ге жеткізді.

"ТАРАЗ" ФК ШАБУЫЛШЫСЫ ИГОРЬ ЗЕНЬКОВИЧ ҮЗДІК СҰРМЕРГЕНДЕР ҚАТАРЫНА КІРДІ

 "ТАРАЗ" ФК ШАБУЫЛШЫСЫ ИГОРЬ ЗЕНЬКОВИЧ ҮЗДІК СҰРМЕРГЕНДЕР ҚАТАРЫНА КІРДІ



Жерлесіміз Игорь Зенькович өткен жеті турдың қорытындысы бойынша ең үздік сұрмергендер қатарына кірді. Ол осы уақытқа дейін қарсыластар қақпасына 3 - гол соғып, бірнеше нәтижелі пастардың авторы атанған. Премьер - лигада үш гол соққан өзге де футболшыларға келсек. Джордже Деспотович (Астана), Роман Мұртазаев (Ертіс), Эдин Юнузович (Ордабасы), Душан Савич (Жетісу), Əлібек Бөлешов (Оқжетпес) бар.

ДМИТРИЙ ОГАЙ "ТОБЫЛ" КЛУБЫНЫҢ БАС БАПКЕРІ ҚЫЗМЕТІНЕН БОСАТЫЛДЫ

 ДМИТРИЙ ОГАЙ "ТОБЫЛ" КЛУБЫНЫҢ БАС БАПКЕРІ ҚЫЗМЕТІНЕН БОСАТЫЛДЫ

Қостанайлық "Тобыл" футбол клубының бас бапкері Дмитрий Огай өз өтініші бойынша қызметінен кетті. Ол туралы бүгін 28-сәуір күні аталған клубтың баспасөз қызметі мәлімдеді. Білікті бапкер екіжақтың келісімі бойынша өтініш беріп, қызметінен кетті делінген онда. Естеріңізде болса, осы жексенді 1-мамыр күні "Тобыл" командасы сегізінші тур ойындары аясында "Тараз" футбол командасымен кездесу өткізеді. Ол ойынға кім жетекшілік ететін жағдайы қазір қарастырылып жатыр."Тобыл" футболшылары премьер-лига аясындағы соңғы ойында тең түсіп, күні кеше Қазақстан кубогы жолындағы жарыста ұтылып қалған болатын. Бірақ команда турнир кестесінде 5-орында келеді. Осылай, премьер-лига басталғалы бері қызметінен босатылған бас бапкерлер қатарын бүгін Дмитрий Огай толықтырып отыр. Оған дейін Алматылық "Қайраттың" бас бапкері Александр Бородюк қызметінен шеттетілген еді. Дмитрий Огай "Тобылды" 2015 жылдың 26-желтоқсанынан бері жаттықтырып келеді...

ҚАЗАҚСТАН КУБОГЫ. "ОҚЖЕТПЕС" - "ТАРАЗ" 2:1

 ҚАЗАҚСТАН КУБОГЫ. "ОҚЖЕТПЕС" - "ТАРАЗ" 2:1

27 - ші сəуір күні футболдан Қазақстан кубогы жолындағы жарыстың 1/8 финал ойындары өтті. Бұл сында Жамбылдық "Тараз" футбол командасы сырт алаңда Көкшетаулық "Оқжетпес" командасымен кездесіп, 2:1 есебімен жол берді. Енді бұл бəсекедегі ойындарды жалғастыра алмайды. Көкше жерінде өткен кездесудің алғашқы таймында гол ұратын бірнеше сəттер болды. Алайда, бұл мүмкіндікті қонақтар жағы пайдаланып кетті. 45 - минутта алаң иелері Марат Хайрулиннің голымен есеп ашты. Екінші таймда Тараздықтар ширақ қимылдап 75 - минутта Əлішер Сүлейдің орындауындағы голдың арқасында есепті теңестірген болатын. Бірақ ойынға қосылған қосымша уақытта Көкшетаулықтар тағы бір гол соғып есепті еселей түсті. Бұл жолы көзге түскен тағы да Марат Хайруллин болатын.

ФУТБОЛДАН ҚАЗАҚСТАН ПРЕМЬЕР - ЛИГАСЫНЫҢ ЖЕТІНШІ ТУР ОЙЫНДАРЫНЫҢ ҚОРЫТЫНДЫСЫ

ФУТБОЛДАН ҚАЗАҚСТАН ПРЕМЬЕР - ЛИГАСЫНЫҢ ЖЕТІНШІ ТУР ОЙЫНДАРЫНЫҢ ҚОРЫТЫНДЫСЫ

"ОҚЖЕТПЕС" - "ОРДАБАСЫ" 2:0
"ТОБЫЛ" - "ЖЕТІСУ" 2:2
"ТАРАЗ" - "АТЫРАУ" 0:0
"ЕРТІС" - "АСТАНА" 2:2
"АҚЖАЙЫҚ" - "ШАХТЕР" 0:1
"КАЙРАТ" - "АКТӨБЕ" 3:0

"ТАРАЗ" ФК ҚАҚПАШЫСЫ АЛЕКСАНДР ГРИГОРЕНКО ҚАЗАҚСТАН ПРЕМЬЕР -ЛИГАСЫНДА 200-ШІ ОЙЫНЫН ӨТКІЗДІ

 "ТАРАЗ" ФК ҚАҚПАШЫСЫ АЛЕКСАНДР ГРИГОРЕНКО ҚАЗАҚСТАН ПРЕМЬЕР -ЛИГАСЫНДА 200-ШІ ОЙЫНЫН ӨТКІЗДІ

 

Өткен жетінші турдағы "Тараз" және "Атырау" командалары арасындағы ойында "Тараз" футбол командасының қақпашысы Александр Григоренко өзінің Қазақстан чемпионатындағы 200-ші ойынын өткізді. Естеріңізде болса, 31-жастағы қақпашы алғаш рет 2004 жылы Украйнаның екінші лигасынан Қазақстанның "Атырау" командасына ауысып келген еді. Содан бері ол Қазақстан премьер-лигасындағы 4-командада ойнады. Ал, "Тараз" сапында 29-кездесуге қатысты.12-жыл бойы отандық футболды өрге сүйреп жүрген қақпашыға алдағы ойындарда тек сәттілік тілейміз!

ҚАЗАҚ ФУТБОЛЫНЫҢ КҮНІ ҚҰТТЫ БОЛСЫН!

ҚАЗАҚ ФУТБОЛЫНЫҢ КҮНІ ҚҰТТЫ БОЛСЫН!

 

Бүгін Қазақ футболының күні. Осыған орай барша Қазақстандық, барша Жамбылдық футбол жанкүйерлерін, ойыншыларды, бапкерлер мен олардың отбасын, футбол саласының ардагерлерін айтулы мерекемен шын жүректен құттықтаймыз. Тараз футбол клубының ұжымы сіздерге мол табыс, мықты денсаулық тілейді. Сіздердің қолдауларыңыз арқасында Жамбыл футболы әлі -ақ өркендейді, өседі деп ойлаймыз. Ойын сайын сіздердің жасыл алаңға келіп, теледидар арқылы бізді тамашалап қолдау көрсетулеріңіз бізге жігер береді. Жеңіске жетелейді. Мереке құтты болсын ағайын!

Турнирная таблица